Insalata tar-ross adattata għal min hu veġetarjan, għal min mhux jista’ jżid magħha biċċiet tat-tiġieġa, zalzett, eċċ.
Ħin: 30 minuta
Isservi: 4 persuni
Ingredjenti:
- 300 g ross abjad twil
- 800 ml stokk tal-ħaxix
- 4 mgħaref żejt taż-żebbuġa
- Mgħarfa meraq tal-lumi
- 200 g tadam ċirasa, maqsum min-mofs
- Bott (400g) ċiċri, imsaffija u mlaħalħa
- 2 sinniet tewm, misħuqin
- 2 basliet friski żgħar (spring onions), imqattgħin irqiq
- 2 mgħaref tursin frisk, imqatta’ rqiq
- Kuċċarina żerriegħa tal-kosbor
- Melħ u bżar mitħun frisk
Tħejjija:
- Għalli r-ross fl-istokk, baxxi n-nar u ħallih isir bil-mod sakemm jinxtorob l-istokk u r-ross ikun sar, madwar 20 minuta. Ħallih joqgħod għal ftit minuti u aqilgħu minn ma’ xulxin b’furketta.
- Sadanittant, saħħan taġen fuq nar moderat u nkalja ftit iż-żerriegħa tal-kosbor. Berridha ftit u isħaqha b’lembuba.
- Fi skutella kbira ħawwad sew flimkien iż-żejt taż-żebbuġa, il-meraq tal-lumi, it-tewm, il-basal, it-tursin, it-tadam, iċ-ċiċri, it-tadam u l-kosbor. Żid ir-ross, roxx bil-melħ u l-bżar u ħawwad kollox flimkien sew.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
