Jekk se tagħmel insalata u m’għandekx idea kif, hawn issib riċetta ta’ insalata b’differenza mill-Afrika ta’ Fuq.
Ingredjenti
- 3 mgħaref żejt taż-żebbuġa ekstra verġni, u miegħu ¼ kikkra ieħor
- 2-3 sinniet tewm, misħuq
- 450g kuskus
- 3 kikkri stokk tat-tiġieġ
- Meraq ta’ 2 lumijiet
- Qoxra maħkuka ta’ lumija
- ½ kuċċarina melħ
- ½ kuċċarina bżar mitħun frisk
- 1 kikkra weraq tal-ħabaq, imqatta’
- ½ kikkra nagħniegħ frisk, imqatta’
- 1/3 kikkra tursin, imqatta’
- 1/3 kikkra tamal niexef, imqatta’
- ¼ kikkra lewż jew pistaċċ, inkaljat u mqatta’
- Saħħan it-3 mgħaref żejt taż-żebbuġa f’kazzola fuq nar medju.
- Żid it-tewm u qallih ħafif għal minuta.
- Żid il-kuskus u qalli sakemm jibda jiħmar billi tħawwad għal 5 minuti.
- Ferra’ l-istokk bil-mod u żid ukoll il-meraq ta’ lumija waħda. Ħalli t-taħlita tiftaħ tagħli.
- Baxxi n-nar u tektek, mgħotti, sakemm il-kuskus isir imma jkun għadu wieqaf. Ħawwad kull tant ħin. Saffi l-kuskus mil-likwidu.
- F’bieqja kbira ħallat il-kuskus mal-kumplament taż-żejt taż-żebbuġa u tal-meraq tal-lumi, qoxra maħkuka, melħ u bżar, u ħallih jiksaħ.
- Meta jibred għat-temperatura tal-kamra, żid il-ħxejjex aromatiċi, it-tamal u l-lewż jew pistaċċ.
- Ħallat kollox flimkien u servi.
