Din l-insalata hija armonija ta' togħmiet qawwijin, morri, ħelwin u milħin.

Ħin: 20 minuta

Ingredjenti

Għal 4 persuni

Għaz-zalza

• 3 biċċiet inċova
• 5 mgħaref żejt taż-żebbuġa ekstra verġni
• 1 sinna tewm kbira, misħuqa
• 1 mgħarfa meraq tal-lumi jew ħall tax-sherry
• 1 kuċċarina mustarda Dijon
• Bżar mitħun frisk

Għall-insalata

• 4 kikkri weraq tar-rukola
• 2 kikkri karfus (ta' barra), zkuk mill-qalba tal-karfusa
• 2 mgħaref weraq tal-karfus, imqatta'
• 1 tuffieħa ħamra, imqattgħa biċċiet żgħar u mqallba f'2 mgħaref meraq tal-lumi

Biex tipprepara z-zalza

1. Laħlaħ l-inċova u qattagħha. Saħħan 2 mgħaref żejt taż-żebbuġa f'taġen żgħir fuq nar baxx u żid l-inċova u t-tewm. Tektek u ħawwad sakemm it-tewm jirtab u l-inċova titkisser.
2. Poġġi t-taħlita f'mehrież (mortar) u itħan bil-lida (pestle) sakemm tagħmel paste.
3. Żid il-meraq tal-lumi jew ħall fit-taġen u, b'mgħarfa tal-injam, laqqat u aqla' l-fdalijiet tat-taġen, imbagħad ferrgħu fil-mehrież.
4. Żid il-mustarda u  għaffeġ. Bil-mod żid il-kumplament taż-żejt taż-żebbuġa; bejn mgħarfa u oħra daħħal iż-żejt sewwa fit-taħlita. Żid ftit bżar mitħun frisk.

    Biex tipprepara l-insalata

1. F'bieqja ħallat flimkien ir-rukola, il-karfus u l-weraq tal-karfus, u t-tuffieħa mqattgħa.
2. Ħallat maz-zalza u servi.

Informazzjoni nutrittiva għal kull porzjon: 198 kalorija; 17g xaħam; 2g xaħam saturizzat; 3g xaħam poli mhux saturizzat; 12g xaħam mono mhux saturizzat; 3mg kolesterol; 10g karboidrati; 2g fibra tad-dieta; 182mg sodju (ma jinkludix il-melħ miżjud għat-togħma); 2g proteina.

 Ippruvajt din ir-riċetta? Kif sibtha? Għidilna billi tħalli kumment hawn taħt.