Il-koxox huma waħda mill-aktar partijiet tat-tiġieġa irħas li tista’ tixtri, imma huma wkoll l-aktar parti tarja, għalhekk huma ideali biex issajjar meta ma tkunx se tuża t-tiġieġa sħiħa.
Ħin: siegħa
Isservi: 4 persuni
Ingredjenti:
- 8 koxox tat-tiġieġ kbar
- Mgħarfa żejt taż-żebbuġa
- 2 basliet, imqattgħin flieli rqaq
- 4 sinniet tewm, imqattgħin
- 3 bżariet ħomor ħelwin (capsicum), imqattgħin strixxi wisgħin
- 400 g polpa tat-tadam
- 125 ml inbid abjad
- Mgħarfa Worchestershire sauce
- Kuċċarina paprika
- Mgħarfa sagħtar jew klin frisk, jew kuċċarina mnixxef
- Bżar u melħ mitħun frisk
Tħejjija:
- Saħħan il-forn għal temperatura ta’ 200°C.
- Ħallat flimkien il-Worchestershire sauce u l-paprika u idlek il-koxox tat-tiġieġ bit-taħlita.
- Saħħan iż-żejt f’taġen kbir fuq nar moderat u aqli l-koxox minn kull naħa sakemm jiħmaru. Poġġihom f’dixx tal-forn.
- Fl-istess taġen qalli l-basla għal 2 minuti, imbagħad żid it-tewm u l-bżar aħmar ħelu u qalli għal 3 minuti oħra. Żid l-inbid u l-polpa tat-tadam u melħ u bżar u, meta t-taħlita tiftaħ tagħli, tektek għal 5 minuti.
- Ferra’ z-zalza fuq il-koxox tat-tiġieġ u aħmi għal 40 minuta. Dawwar il-koxox darba f’nofs is-sajran.
- Ħalli l-koxox joqogħdu għal 15-il minuta fil-forn qabel isservihom.
