Read this in English: Recipe: Chicken thighs with mushrooms and mustard
Il-koxox tat-tiġieġ huma l-aktar parti tarija. Imsajrin f'din iz-zalza bil-krema terġa' jsiru aktar rotob.
Ħin: siegħa u 45 minuta
Isservi: 4 persuni
Ingredjenti:
- 8-12-il koxxa tat-tiġieġ, mingħajr ġilda
- 400 g faqqiegħ żgħir, sħiħ jew maqsum min-nofs
- 100 g bacon, imqatta’ rqiq
- 3 imgħaref dqiq
- 2 imgħaref żejt veġetali
- 2 basliet kbar, imqattgħin
- 4 sinniet tewm, imqattgħin
- Mgħarfa sagħtar (thyme) frisk
- Mgħarfa mustarda wholegrain
- Grokk sherry
- 200 ml krema singla
- 300 ml stokk tat-tiġieġ
- Melħ u bżar mitħun frisk
Tħejjija:
- Saħħan il-forn għal temperatura ta’ 180°C.
- Poġġi d-dqiq fuq platt u żidu ftit melħ u bżar. Dawwar il-koxox fid-dqiq sakemm jinksew kompletament.
- Saħħan iż-żejt f’taġen fuq nar moderat u aqli l-koxox minn kull naħa sakemm jiħmaru. Poġġi l-koxox f’dixx fond.
- Fl-istess taġen qalli l-basal, it-tewm u l-bacon. Kif jibdew jirtabu żid il-faqqiegħ u sajjar għal ftit minuti. Ifrex it-taħlita fid-dixx fuq il-koxox tat-tiġieġ.
- Ferra’ l-istokk u x-sherry fit-taġen u obrox il-qiegħ b’mgħarfa tal-injam biex taqla’ l-fdalijiet.
- Żid il-krema ul-mustarda, is-sagħtar, melħ u bżar; ħawwad sakemm it-taħlita tibda tbaqbaq u ferragħha fuq il-koxox fid-dixx.
- Għatti d-dixx bil-foil u aħmi għal 30 minuta. Neħħi l-foil u kompli aħmi għal 30 minuta oħra.
- Servi ma’ patata maxx u/jew ħaxix tal-istaġun mgħolli.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
