X’inhi smoothie?

selection of fresh fruit and vegetables smoothies

Smoothie hija xarba magħmula minn frott u/jew ħaxix magħsur flimkien. Ma’ dawn tista’ żżid ingredjenti oħra bħal għasel u jogurt. L-ismoothies huma faċli biex tagħmilhom u jiffrankawlek ħafna ħin, għandhom togħma tajba, tista’ tvarja t-togħmiet u l-ingredjenti b’liema mod trid, u fuq kollox huma nutrittivi. Però, l-aktar smoothies popolari huma dawk magħmulin mill-frott.

Nafu li l-larinġ huwa wieħed mill-aktar frott popolari u li jagħmel ġid lis-saħħa tagħna. Fih il-beta carotene li huwa antiossidant li jipproteġi ċ-ċelloli. Għalhekk huwa bla dubju wieħed mill-frott li tajjeb li nużaw meta nagħmlu smoothie

Frott ieħor li jħabbatha mal-larinġ huwa l-frawli. Frotta sabiħa b’togħma ħelwa u għanja fil-vitamina B2 – il-vitamina li tgħin lill-ġisem jikber, għalhekk impotanti ħafna għat-tfal. Il-frawli jagħti kulur roża sabiħ, kulur li jħajrek

L-eħfef smoothie li tista’ tagħmel hija dik bil-banana, għax apparti li tgħaqqad u timla, insibu fiha minerali u vitamini; tagħti togħma ħelwa wkoll u għalhekk ma jkunx hemm bżonn li żżid aktar zokkor.

Ma dan il-frott tista’ żżid kwalunkwe frott ieħor. Tista’ tagħżel żewġ jew tliet frottiet u tagħsarhom flimkien, tagħmel kumbinazzjonijiet ta’ frott ħelu u frott qares biex it-togħmiet jibbilanċjaw lil xulxin, kif ukoll tipprova frott li ma tkunx doqt qabel. Anke frott li forsi s-soltu ma tantx jinżillek tajjeb, jekk tħalltu ma’ frott ieħor li tiggosta hemm mnejn il-kumbinazzjoni tagħhom flimkien toħroġ eċċellenti, u dik li qatt ma ħsibt li se tkun.