Ir-riċetta ta’ hawn taħt hija għall-adulti għax fiha l-alkoħol, imma jekk fl-istess ħin trid tagħmel oħra għat-tfal poġġi d-dulliegħ fi blender ma’ 2 kikkri silġ, meraq ta’ lime u 50 g zokkor, kisser kollox u servi fil-pront fit-tazzi.

Ħin: 15-il minuta

Isservi: 6 persuni

Ingredjenti:

• 5 kg dulliegħ, imqaxxar u mingħajr żerriegħa
• 300 ml vodka
• Meraq ta’ lime
• 500 ml ilma karbonizzat (sparkling water)
• Weraq tan-nagħniegħ frisk, biex isservi
• Silġ, biex isservi

Tħejjija:

1. Agħsar id-dulliegħ fi blender u għaddih minn passatur għal ġo buqar.
2. Żid l-ilma karbonizzat, il-meraq tal-lime u l-vodka u ħawwad. Kessaħ għal mill-inqas sagħtejn.
3. Biex isservi: Poġġi ftit silġ f’tazza twila u imla bit-taħlita tad-dulliegħ. Żejjen it-tazza bil-weraq tan-nagħniegħ u servi.

Ippruvajtha din ir-ricetta ta' xarba friska tad-dulliegħ? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know by commenting below and we'll have it translated for you!