Riċetta: Pesto aħdar tal-ħabaq, u ieħor aħmar tat-tadam imqadded

Basil pesto and sundried tomato pesto

Żewġ kwalitajiet ta’ pesto popolari li tista’ żżidhom ma’ għaġin, fuq pizez jew mal-ħobż.

 

Il-pesto tal-ħabaq:

 

Ħin: 15-il-minuta

Ingredjenti:

  • 2 kikkri (madwar 50 g) weraq tal-ħabaq frisk
  • 50 g prinjol (pine nuts), inkaljat ħafif
  • 50 g ġobon Parmiġġan, maħkuk
  • 100 ml żejt taż-żebbuġa
  • 2 sinniet tewm
  • Melħ u bżar mitħun frisk

 

 Tħejjija:

  1. Poġġi l-ħabaq, il-Parmiġġan, it-tewm u l-prinjol fi proċessur tal-ikel u itħan sakemm jitqatta’ kollox.
  2. Ferra’ ftit ftit iż-żejt taż-żebbuġa sakemm jitħallat kollox sew. Żid melħ u bżar kemm tiggosta.

 


 

Il-pesto tat-tadam imqadded:

 

Ħin: 15-il minuta

Ingredjenti:

  • 150 g tadam imqadded
  • Ftit weraq tal-ħabaq frisk
  • 2 sinniet tewm
  • 40 g ġobon Parmiġġan, maħkuk
  • 30 g lewż mingħajr qoxra, inkaljat ħafif
  • Mgħarfa ħall balsamiku
  • Żejt taż-żebbuġa
  •  Melħ u bżar mitħun frisk.

 

Tħejjija:

  1. Poġġi t-tadam imqadded, il-ħabaq, il-lewż, il-ġobon Parmiġġan, it-tewm u l-ħall balsamiku fi proċessur tal-ikel u itħanhom.
  2. Ferra’ ftit ftit żejt taż-żebbuġa – biżżejjed biex ikollok taħlita li tiddellek. Żid melħ u bżar kemm tiggosta.

Ippruvajtha din ir-ricetti ta' pesto aħdar tal-ħabaq u aħmar tat-tadam imqadded? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know by commenting below and we'll have it translated for you!