Il-ħaxix ta’ din ir-riċetta huwa l-istess li nużaw biex nagħmlu r-ratatouille, imma tista’ tuża wkoll xi ħaxix ieħor li jkollok fil-friġġ, bħal qarabagħli.
Ħin: 40 minuta
Isservi: 4 persuni
Ingredjenti:
- Bżaru aħmar ħelu (capiscum), imnaddaf u mqatta’ biċċiet ta’ 1ċm
- Bżaru isfar ħelu (capiscum), imnaddaf u mqatta’ biċċiet ta’ 1ċm
- Bżaru oranġjor ħelu (capiscum), imnaddaf u mqatta’ biċċiet ta’ 1ċm
- Brunġiela żgħira, imqatta’ dadi ta’ 1 ċm
- 4 mgħaref żejt taż-żebbuġa
- 2 mgħaref butir
- Basla kbira, imqattgħa
- 4 sinniet tewm, imqattgħin
- 200 g ross
- 150 ml inbid abjad
- Litru stokk tal-ħaxix, jaħraq
- 100 g ġobon Parmiġġan, maħkuk
- 2 mgħaref tursin frisk, imqatta’
- Melħ u bżar mitħun frisk
Tħejjija:
- Saħħam 2 mgħaref miż-żejt f’taġen kbir fuq nar morerat u qalli l-bżar u l-brunġiel sakemm jaqbdu jirtabu. Poġġihom fi skutella għal aktar tard.
- Fl-istess taġen saħħan il-kumplament taż-żejt u qalli l-basla u t-tewm sakemm dawn ukoll jirtabu. Żid ir-ross u ħawwad sakemm jinħesa, imbagħad ferra’ l-inbid u ħawwad sakemm jinxtorob mir-ross. Żid kuċċarun stokk jaħraq u ħawwad sakemm dan ukoll jinxtorob, u ibqa’ żid l-istokk ftit ftit sakemm isir ir-ross.
- Neħħi t-taġen minn fuq in-nar u żid melħ u bżar, il-butir u l-ġobon Parmiġġan u ħawwad sew sakemm jinħall il-butir. Żid il-ħaxix u erġa’ ħawwad.
- Servi fil pront bit-tursin imferrex fil-wiċċ.
