Ir-ross, bħall-għaġin, issib ħafna metodi u ingredjenti differenti kif tista’ tippreparah. Issa li resqin ġranet aktar sħan u fis-suq u l-ġonna tagħna nsibu ħabaq bil-gzuz, dan il-platt ross ħafif huwa ideali.
Ħin: 40 minuta
Isservi: 4 persuni
Ingredjenti:
- 350 g ross arborio jew short grain
- 4 sinniet tewm, misħuqin
- Litru stokk tal-ħaxix, jaħraq
- 200 ml inbid abjad
- Ponn weraq tal-ħabaq frisk
- 100 g irkotta
- 5 mgħaref żejt taż-żebbuġa
- Melħ u bżar mitħun frisk
- 30 g prinjol, inkaljat ħafif
- 50 g ġobon Parmiġġan, maħkuk oħxon
Tħejjija:
- Fi proċessur tal-ikel itħan flimkien il-weraq tal-ħabaq, l-irkotta, 4 mgħaref miż-żejt taż-żebbuġa, melħ u bżar, sakemm ikollok taħlita lixxa.
- Saħħan l-imgħarfa żejt li jkun fadal f’taġen kbir u fond fuq nar moderat.
- Żid it-tewm u qalli għal ftit sekondi mingħajr ma tħallih jieħu kulur, imbagħad żid ir-ross u ħawwad għal minuta sakemm jinkesa.
- Ferra’ l-inbid u ħawwad sakemm jinxtorob kollu, imbagħad ibda żid kuċċarun kull darba mill-istokk tal-ħaxix filwaqt li tħallih jinxtorob qabel terġa’ żżid aktar.
- Żid it-taħlita tal-ħabaq u ħawwad kollox sew flimkien. Ħalli r-ross joqgħod għal 3 minuti, imbagħad aqilbu fil-platti. Servi bil-ġobon Parmiġġan u l-prinjol imferrex fil-wiċċ.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
Would you like to read this recipe in English? Let us know in the comments section below!
