Riċetta veġetarjana: Insalata tad-dulliegħ u ġobon feta

Watermelon salad

Forsi qed taraha ftit stramba din l-insalata, imma, apparti l-kuluri sbieħ, it-togħmiet jirkaċċaw ħafna wkoll: id-dulliegħ ħelu u mmerraq, feta ratba u ftit mielħa, u r-rucola ftit morra.

Ħin: 20 minuta

Isservi: 4 persuni

Ingredjenti:

Għall-insalata:

  • 200 g ġobon feta, imfarrak
  • 500g dulliegħ, mingħajr żerriegħa u mqatta’ dadi
  • Basla żgħira ħamra, imqattgħa flieli rqaq
  • 100 g rucola

Għall-vinaigrette:

  • Qoxra maħkuka ta’ nofs lumija
  • Meraq ta’ nofs lumija
  • 75 ml żejt taż-żebbuġa
  • Ftit qtar tobasco (jekk trid)
  • Mgħarfa nagħniegħ frisk, imqatta’
  • Melħ u bżar mitħun frisk

 

Tħejjija:

  1. Fi skutella ħallat l-ingredjenti kollha tal-insalata.
  2. Fi skutella żgħira ħabbat l-ingredjenti kollha tal-vinaigrette.
  3. Qassam l-insalata fuq 4 platti. Roxx bil-vinaigrette u servi.

Ippruvajtha din ir-ricetta tal-insalata tad-dulliegħ u ġobon feta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!