Din ir-riċetta għal zalzett pikkanti bil-feta u l-għeneb hija waħda ta' malajr għal snack li, bit-taħlita t'ingredjenti li fih, żgur se jinżillek għasel.
Ir-riċetta ssemmi z-zalzett pikkanti tad-dundjan tipikament Taljan kif ukoll taħlita tal-ħwawar Taljani Jekk ma ssibx zalzett pikkanti tad-dundjan, tista' tipprova tibdel maz-zalzett tal-Malti. Biex tagħmel it-taħlita tal-ħwawar la Taljana mill-bidu ikklikja hawn.
Isservi: 4 persuni
Ingredjenti:
- Zalzett tad-dundjan pikkanti
- 1/4 ta' kuċċarina ħwawar la Taljana (Italian seasoning)
- 1/4 ta' kuċċarina frak tal-felfel niexef
- 2 biċċiet ħobż bla ħmira somor (wholemeal flat breads)
- 2 kuċċarini żejt taż-żebbuġa
- 1/2 kikkra weraq tal-pitravi mqattgħa (Swiss chard)
- 1/2 kikkra ġobon feta mfarrak
- Kikkra għeneb imħallat bla żrieragħ, maqsum
Tħejjija:
- Saħħan il-forn għal 200 °C.
- Sajjar iz-zalzett ġo taġen non-stick fuq nar medju-baxx sakemm ikun sar sew.
- Ħawwar bil-frak tal-felfel niexef u t-taħlita tal-ħwawar la Taljana.
- Iżbogħ il-ħobż bi ftit żejt taż-żebbuġa.
- Poġġi z-zalzett, il-weraq tal-pitravi, il-ġobon feta u l-għeneb fuq xulxin. Sajjar għal madwar 15-il minuta.
- Aqsam kull biċċa ħobż fi 8 porzjonijiet.
Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.