Il-guacamole oriġina mill-Messiku u nfirex mad-dinja kollha. Il-bażi tal-avokado jagħmel lil dan id-dipp kremuż, u frisk biż-żieda ta’ ftit ingredjenti bażiċi.
Ħin: 20 minuta
Isservi: 4-6 persuni
Ingredjenti:
- 4 avokados, imqattgħin dadi żgħar
- 2 mgħaref meraq tal-lime, jew lumi
- Basla ħamra, imqattgħa rqiq ħafna
- 2 sinniet tewm, imqattgħin irqiq
- 2 tadamiet żengulin, imnaddfin u mqattgħin dadi żgħar
- 2 mgħaref tursin frisk jew kosbor frisk, imqatta’
- Nisħata bżar chayenne
- Melħ u bżar mitħun frisk
Tħejjija:
- Poġġi l-avokado fi skutella, roxxu bil-meraq tal-lime jew lumi u għaffġu sew b’furketta. Żid il-basla, it-tewm, it-tadam, il-kosbor jew tursin, il-bżar chayenne, melħ u bżar mitħun frisk. Ħawwad kollox sew flimkien u servi l-guacamolo ma’ gallett, crackers jew tortilla chips.
Ippruvajtha din ir-ricetta tal-guacamole (dipp tal-avokado) ? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
