Riċetta: Torta ħelwa tat-tut

Black mulberry pie

Read this in English: Recipe: Black mulberry pie

Iż-żunżan iħobb idur għal dan il-frott ħelu manna, imma meta kont tifla ħadd ma kien iwaqqafni, lanqas iż-żunżan, milli nixxabbat mas-siġra tat-tut li kellu z-ziju fil-ġardina wara d-dar biex naqta’ minn dan it-tut.

Ħin: siegħa u 15-il minuta

Isservi: 8 persuni

Ingredjenti:

  • 100g zokkor
  • 2 mgħaref dqiq tal-qamħirrun (corn flour)
  • 800 g tut frisk
  • 50 g butir, imdewweb

Għall-wiċċ:

  • 300 g dqiq
  • 300 g zokkor
  • 2 kuċċarini trab tal-ħami (baking powder)
  • ½ kuċċarina melħ
  • ½ kuċċarina essenza tal-vanilla
  • 450 ml ħalib
  • 50 g butir, imdewweb

 

Tħejjija:

  1. Saħħan il-forn għal temperatura ta’ 175°C.  Idlek dixx ta’ 23 ċm x 30 ċm, jew ekwivalenti, bi ftit butir.
  2. Ħallat flimkien il-100 g zokkor u d-dqiq tal-qamħirrun fi skutella għal iktar tard.
  3. Poġġi t-tut fi skutella u ferra’ fuqu 50 ml butir imdewweb, u roxx it-taħlita taz-zokkor u dqiq tal-qamħirrun. Ħawwad sew biex jinkesa t-tut. Ferrex it-taħlita tat-tut fil-qiegħ tad-dixx.
  4. Fi skutella nadifa ħallat sew flimkien id-dqiq, it-trab tal-ħami, il-melħ u 300 g zokkor. Ferra’ fuqhom il-ħalib, l-essenza tal-vanilla u 50 ml butir imdewweb. Ħawwad kollox flimkien (it-taħlita tibqa’ xi ftit raffa u bil-boċċi) u ifrex fuq il-frott.
  5. Aħmi għal madwar siegħa jew sakemm tara li l-wiċċ ħa kulur dehbi.
  6. Servi kiesħa jew sħuna ma’ krema mħabbta jew ġelat tal-vanilla.

Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.