Riċetta: Torta rustika tal-lanġas

Recipe: Rustic pear pie Riċetta: Torta tal-lanġas rustika

Jekk ikollok lanġas li beda jirtab xi ftit, tarmihx, imma pprova din it-torta rustika verament faċli.

Ħin: siegħa u 15-il minuta

Isservi: 4 persuni

Ingredjenti:

  • 3 lanġasiet, imqaxxrin, mingħajr żerriegħa u mqattgħin flieli rqaq
  • 1 kikkra dqiq
  • 4 mgħaref zokkor
  • ½ kuċċarina trab tal-kannella (cinnamon)
  • ¼ kuċċarina noġemuskata (nutmeg) mitħuna
  • ¼ kuċċarina melħ
  • 2/3 kikkra dqiq ismar (wholegrain)
  • 2 mgħarfa butir
  • 4 mgħaref żejt veġetali
  • 3-4 mgħaref ilma kiesaħ

Tħejjija:

  1. Saħħan il-forn għal temperatura ta’200°C.
  2. F’bieqja ħallat flimkien il-lanġas, 2 kuċċarini mid-dqiq, 2 mgħaref miz-zokkor, it-trab tal-kannella, in-noċemuskata u l-melħ.
  3. B’bieqja oħra ħallat sew il-kumplament tad-dqiq, id-dqiq ismar, u ż-żewġ mgħaref zokkor li jkun fadal. Daħħal il-butir fit-taħlita b’furketta sakemm issir qisha frak tal-ħobż, imbagħad roxx iż-żejt u kompli ħawwad bil-furketta sakemm jitħallat kollox sew. Żid 3 mgħaref ilma u ħawwad sakemm it-taħlita żżomm flimkien meta tagħfasha bil-furketta. Żid aktar ilma jekk ikun hemm bżonn.
  4. Poġġi biċċa kartaforn fuq il-wiċċ li qed taħdem fuqu, roxx bid-dqiq u poġġi t-taħlita fuqha. Għaqqad it-taħlita b’idejk biex tifforma ballun ċatt. Roxxha bid-dqiq u iftaħha b’lembuba għal dijametru ta’ 30ċm. Roxx bid-dqiq meta jkun hem bżonn. Ittrasferixxi l-karta bl-għaġina għal fuq tilar.
  5. Poġġi l-lanġas f’forma ta’ fjura tonda fuq il-wiċċ tal-għaġina u ħalli 3ċm mit-tarf vojt. Ferra’ l-meraq li jibqa’ fil-bieqja fuq il-lanġas . Ilwi t-truf tal-għaġina għal fuq il-lanġas parti parti (in-nofs jibqa’ mikxuf).
  6. Aħmi t-torta għal 40 minuta. Berred għal 10 minuti qabel isserviha.

 
Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share. 

If you'd like this recipe in ENGLISH, please do let us know and we'll do that for you.