Tagliatelle bit-tonn taż-żejt: platt għaġin ieħor ta’ malajr adattat għall-ġranet sħan li jaf iġib miegħu s-sajf. Jekk tippreferi tista’ tuża għaġin ieħor simili għat-tagliatelle, bħal linguine u spagetti.

Ħin: 25 minuta

Isservi: 4 persuni

Ingredjenti:

• 400 g tagliatelle
• 125 ml żejt taż-żebbuġa
• 4 sinniet tewm, imqattgħin irqiq
• Bżaru filfel, mingħajr żerriegħa u mqatta’ rqiq
• 300 g tonn taż-żejt, imsaffi
• Niskata melħ oħxon
• 100 g weraq tar-rucola

Tħejjija:

1. Għalli l-għaġin f’borma kbira ilma bil-melħ sakemm isir al dente.
2. Sadanittant, saħħan iż-żejt taż-żebbuġa f’taġen kbir, żid it-tewm u l-filfel u ħawwad għal ftit sekondi, imbagħad żid il-melħ u t-tonn taż-żejt u farrku b’mgħarfa tal-injam.
3. Saffi l-għaġin u erfa’ kikkra mill-ilma tat-togħlija.
4. Żid l-għaġin fit-taġen mat-tonn taż-żejt u ħawwad biex jinkesa. Żid biżżejjed mill-ilma li erfajt biex tħoll ftit l-għaġin.
5. Fl-aħħar żid ir-rucola u servi fil-pront.

Ippruvajtha din ir-ricetta ta' tagliatelle bit-tonn taż-żejt u rucola? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.