Riċetta veġetarjana: Tagliatelle bil-ġellewż u l-ġbejniet friski

Tagliatelle with hazelnuts and fresh cheeselets- Tagliatelle bil-ġewż u l-ġbejniet friski

Read this recipe in English: Vegetarian recipe: Tagliatelle with hazelnuts and fresh cheeselets

Tagliatelle b’pesto kremuż b’xeħta Maltija bil-ġbejniet friski li, flimkien mal-użu tal-ġellewż, jagħmlu lil dan il-platt differenti mis-soltu.

Ħin: 30 minuta

Isservi: 4 persuni

Ingredjenti:

  • 300 g tagliatelle
  • 2 imgħaref żejt taż-żebbuġa
  • 2 ponnijiet weraq tal-ħabaq frisk
  • 50 g ġellewż, inkaljat ħafif u mingħajr rita
  • 2 sinniet tewm, misħuqin
  • 200 g ġbejniet friski
  • Melħ u bżar mitħun frisk

Tħejjija:

  1. Poġġi l-ħabaq, it-tewm, il-ġellewż, il-ġbejniet, iż-żejt taż-żebbuġa, u melħ u bżar fi proċessur tal-ikel u kisser kollox sakemm ikollok paste.
  2. Għalli t-tagliatelle f’borma kbira ilma jagħli bil-melħ sakemm isiru al dente.
  3. Saffi l-għaġin u erġa’ poġġih fil-borma, u żid miegħu t-taħlita tal-ħabaq u l-ġellewż.
  4. Ħawwad kollox sew flimkien u servi fil-pront.

Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.