Ross ħafif b’kulur vivaċi li joħroġ miż-żagħfran u l-bżar ħelu oranġjo.
Ħin: 40 minuta
Isservi: 2-3 persuni
Ingredjenti:
- 2 mgħaref żejt taż-żebbuġa
- Basla mdaqqsa, imqattgħa rqiq
- 2 sinniet tewm, misħuqin
- Bżaru ħelu kbir (capiscum) oranġjo, imnaddaf u mqatta’ rqiq
- 200 g ross abjad long grain
- 500 ml stokk tat-tiġieġ jew ħaxix
- ¼ kuċċarina ħjut taż-żagħfran (saffron threads)
- 2 tadamiet, imqaxxrin, imnaddfin u mqattgħin
- ½ kuċċarina kosbor mitħun
- Bżar mitħun frisk
- 2 mgħaref kosbor frisk jew tursin frisk, imqatta’
Tħejjija:
- Poġġi l-ħjut taż-żagħfran f’kikkra, żid 2 mgħaref misħun u ħallih jerħi.
- Saħħan iż-żejt f’taġen kbir jew kazzola baxxa u żid il-basla. Qalli sakemm tirtab ftit u żid it-tadam u t-tewm. Kif jinħall it-tadam żid il-bżaru ħelu, il-kosbor mitħun, il-melħ, bżar mitħun frisk, u ż-żagħfran bl-ilma b’kollox. Ħawwad, żid ir-ross u kompli ħawwad sakemm ir-ross jixrob il-likwidu, imbagħad żid kuċċarun stokk u ħallih jinxtorob ukoll. Ibqa’ sejra hekk sakemm isir ir-ross.
- Servi fil-pront bil-kosbor jew tursin frisk imferrex fil-wiċċ.
