Riċetta ħafifa ħafna li tagħmilha fi ftit minuti biss imma li żgur tolqot il-gosti ta’ ħafna, kemm tfal u kemm kbar. Biex tvarja din ir-riċetta tista’ żżid ukoll ftit żbib jew frott ieħor niexef, jew gellewż jew karawett imfarrak mat-taħlita fl-istess ħin li titfa’ r-rice crispies.
Ħin:20 minuta, u ħin biex tagħqad
kwantità: 18
Ingredjenti:
- 125 g butir
- 5 mgħaref kawkaw
- 250 g marshmallows
- 300 g rice crispies
- 100 g ċikkulata mdewba
Tħejjija:
- Idlek landa ta’ 23 ċm x 30 ċm jew ekwivalenti bi ftit żejt. Iksi l-qiegħ u l-ġnub bil-kartaforn u erġa’ idlek il-kartaforn biż-żejt.
- Dewweb il-butir f’kazzola u żid il-kawkaw. Ħawwad sew u żid ukoll il-marshmallows u kompli ħawwad sakemm jinħallu. Żid ir-rice crispies u ħawwad sakemm jinksew.
- Ifrex it-taħlita fil-landa ppreparata u llixxa l-wiċċ.
- Ferrex iċ-ċikkulata mdewba b’mgħarfa fuq il-wiċċ biex tifforma disinn ta’ kanizzata u ħalli kollox jagħqad
- Qatta’ f’porzjonijiet u servi.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.