Riċetta: Porzjonijiet bil-mincemeat u ħafur (oats)

Recipe of mincemeat and oat portions Riċetta: Porzjonijiet bil-mincemeat u ħafur (oats)

Dawn il-porzjonijiet huma mod ieħor kif tuża l-mincemeat li forsi diġà għamilt. Jekk le, tista’ ssib tixtri vażetti tal-mincemeat lest faċilment.

Ingredjenti

  • ¾ kikkra ħafur (oats)
  • ¾ kikkra dqiq
  • ¼ kuċċarina bikarbonat tas-sodju (bicarbonate of soda)
  • ¼ kuċċarina melħ
  • ½ kikkra ppakkjata zokkor ismar
  • ½ kikkra butir kiesaħ, imqatta’ biċċiet żgħar
  • 1 ¼ kikkra mincemeat 
  • 2 mgħaref rum jew brandy

 

Metodu

  1. Idlek dixx ta’ 18ċm u iksih bil-kartaforn. Saħħan il-forn għal temperatura ta’ 160°C. Poġġi l-mincemeat f’bieqja żgħira u żid ir-rum jew brandy.
  2. F’bieqja mdaqqsa poġġi d-dqiq u l-butir u b’subgħajk daħħal il-butir fid-dqiq sakemm isir qisu frak tal-ħobż.
  3. Żid il-ħafur (oats), bikarbonat tas-sodju, melħ u zokkor mad-dqiq u butir u ħawwad kollox flimkien. Aqleb nofs it-taħlita fid-dixx ippreparat u ppressha ftit ’l isfel. Poġġi d-dixx fil-friża u l-kumplament tat-taħlita fil-friġġ għal kwarta.
  4. Ifrex il-mincemeat fuq it-taħlita tad-dixx u ferrex il-kumplament tat-taħlita fil-wiċċ.
  5. Aħmi għal 25-30 minuta jew sakemm il-wiċċ jieħu lewn dehbi. Oħroġ id-dixx mill-forn u ħallih jiksaħ kompletament.
  6. Daħħal id-dixx fil-friġġ għal sagħtejn qabel taqsam b’sikkina taqta’.
  7. Tista’ sservi dawn il-porzjonijiet kesħin jew f’temperatura tal-kamra. Magħluqin f’kaxxa tal-plastik il-porzjonijiet iżommu fil-friġġ għal diversi jiem.

 
Ippruvajt din ir-riċetta?  Kif sibtha? Għidilna billi tħalli kumment jew ir-rating hawn taħt u agħfas share.