Riċetta: Muffins tal-yoghurt mimlijin bil-marmellata

Yoghurt muffins with marmelade

Minflok il-butir dawn il-muffins fihom il-yoghurt. Meta taqsam waħda min-nofs issib il-marmellata li tagħmel kuntrast bit-togħma ftit morra mal-ħlewwa tal-muffin.

Ħin: 30 minuta

Kwantità: 8-10

Ingredjenti:

  • 175 g dqiq
  • 25 g ħafur (oats)
  • 175 g zokkor ismar
  • Kuċċarina trab tal-ħami (baking powder)
  • ½ kuċċarina bikarbonat tas-sodju (bicarbonate of soda)
  • Qoxra maħkuka u meraq ta’ larinġa
  • Mgħarfa żejt veġetali
  • 150 ml yoghurt naturali
  • Bajda
  • 5 mgħaref marmellata

Tħejjija:

  1. Saħħan il-forn għal temperatura ta 200°C. Iksi landa tal-muffins b’10 forom tal-karti.
  2. Għarbel id-dqiq, il-bikarbonat tas-sodju u t-trab tal-ħami fi skutella u ħallat tajjeb magħhom il-ħafur u z-zokkor.
  3. Fi skutella oħra ħabbat flimkien il-bajda, iz-zejt, il-yoghurt, il-meraq u l-qoxra tal-larinġa. Ferra’ t-taħlita likwida f’dik xotta u għaqqad kollox billi tħawwad b’furketta.
  4. Poġġi mgħarfa mit-taħlita f’kull forma, imbagħad poġġi kuċċarina marmellata wkoll. Qassam il-kumplament tat-taħlita bejn il-forom.
  5. Aħmi għal 15-20 minuta jew sakemm jiħmaru.

Ippruvajtha din ir-ricetta ta' muffins tal-yoghurt mimlijin bil-marmellata? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.