Riċetta: Muffins bil-frawli u ċikkulata bajda

Strawberries and white chocolate muffins

L-aktar ħelu popolari u ‘moda’ bħalissa huwa l-muffins u l-cupcakes. Id-differenza bejniethom mhix ċara; hawn min jgħid li huwa l-mod kif tagħmel it-taħlita, hawn min jgħid għax il-muffins ikunu mfawrin, eċċ. Meta fittixt ftit stampi tagħhom it-tnejn sibt li l-muffins rari jkunu mżejnin filwaqt li l-cupcakes dejjem ikunu mżejnin bil-krema, ġelu, eċċ. Għalhekk din ir-riċetta tal-lum hija tal-muffins!

Ħin: 35 minuta

Kwantità: 12

Ingredjenti:

  • 175 g butir, temperatura tal-kamra
  • 150 g zokkor fin (caster sugar)
  • 175 g dqiq self-raising, mgħarbul
  • ½ kuċċarina trab tal-ħami (baking powder)
  • 3 bajdiet, imħabbtin ħafif
  • 100 g frawli frisk, imnaddaf u mqatta' biċċiet żgħar
  • 50 g ċikkulata bajda imfarrka jew chocolate chips bojod 

Tħejjija:

  1. Saħħan il-forn għal 180°C. Imla landa ta’ 12-il forma (bun tin) bil-forom tal-karti.
  2. B’ħabbata tal-elettriku ħabbat flimkien fi skutella d-dqiq, it-trab tal-ħami, iz-zokkor, il-butir u l-bajd għal 3 minuti.
  3. Żid il-frawli u ċ-ċikkulata u ħawwadhom mat-taħlita b’mgħarfa.
  4. Qassam it-taħlita bejn il-forom tal-landa u aħmi għal 20-25 minuta, jew sakemm stikka li ddaħħal f’nofs muffin toħroġ nadifa.

Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.

Would you like to read this recipe in English? Let us know in the comments section below!