Read this in English: Recipe: Pear and cinnamon muffins

Għall-iskola lit-tfal tista’ tippreparalhom dawn il-muffins li żgur huma aktar sustanzjużi mill-ħelu mixtri lest. Jekk ma jħobbux jieklu frott, fihom il-lanġas, kif ukoll jogurt u mascarpone.

Ħin: 30 minuta

Kwantità: 12

Ingredjenti:

• 3 lanġasiet żgħar (jew 2 kbar) imqaxxrin, imnaddfin u mqattgħin biċċiet żgħar
• 2 kuċċarini trab tal-kannella (cinnamon)
• 145 g butir, imdewweb
• 2 bajdiet
• 250 g mascarpone
• 100 ml jogurt naturali
• ½ kuċċarina essenza tal-vanilla
• 375 g dqiq
• 1 kuċċarina trab tal-ħami (baking powder)
• ½ kuċċarina bikarbonat tas-sodju (bicarbonate of soda)
• 200 g zokkor

Tħejjija:

• Saħħan il-forn għal temperatura ta’ 180°C. Iksi landa tal-muffins ta’ tnax bil-forom tal-karti.
• Poġġi l-lanġas fi skutella u ferrex it-trab tal-kannella fuqu. Ħawwad u warrab għal aktar tard.
• Ħabbat flimkien il-butir, il-mascarpone, il-jogurt, il-bajd u l-vanilla fi skutella.
• Fi skutella oħra ħallat id-dqiq, iz-zokkor, it-trab tal-ħami u l-bicarbonat tas-sodju.
• Ferra’ t-taħlita likwida f’dik xotta u ħawwad kollox sew. Fl-aħħar żid ukoll il-lanġas.
• Qassam it-taħlita bejn it-tnax-il forma u aħmi għal 25-30 minuta, jew sakemm jiħmaru u jsiru kompletament.
• Servi l-muffins sħan jew f’temperatura tal-kamra.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.