Riċetta: Linguine bil-ġobon feta, tiġieġ u aniżetta

Linguine-feta-cheese-and-chicken-

L-aniżetta nħobbu nżiduha mal-kafè, speċjalment fil-ġranet xitwin, imma din id-darba se nżiduha mal-għaġin tal-linguine. Dan il-platt ġej mill-Greċja u fil-fatt il-Ġriegi jużaw l-ouso – xorb simili ħafna tal-aniżetta.

Ħin: 45 minuta

Isservi: 2-3 persuni

Ingredjenti:

  • 3 mgħaref żejt taż-żebbuġa
  • 250 g għaġin linguine
  • Sider tat-tiġieġ, imqatta’ dadi żgħar
  • 250 g ġobon feta, imfarrak
  • 250 ml ħalib
  • Basla, imqattgħa rqiq
  • 100 ml aniżetta
  • Melħ u bżar mitħun frisk
  • Weraq tax-xibt, jew basal aħdar żgħir (spring onions) imqatta’, biex isservi

 

Tħejjija:

  1. Saħħan iż-żejt f’taġen kbir jew kazzola, żid il-basla u qalli sakemm issir trasparenti. Żid is-sider tat-tiġieġ u kompli qalli sakemm jieħu l-kulur u jsir.
  2. Żid l-aniżetta u ħawwad sew, imbagħad żid il-ħalib u l-ġobon feta, u melħ u bżar. Ħawwad, għatti t-taġen jew kazzola u ħalli z-zalza ttektek għal 20 minuta fuq nar baxx.
  3. Sadanittant għalli l-għaġin f’borma kbira ilma bil-melħ sakemm isir al dente.
  4. Saffi l-għaġin tal-linguine u żidu maz-zalza fit-taġen. Ħawwad kollox sew u servi bix-xibt jew basal aħdar imqatta’ mferrex fil-wiċċ.

Ippruvajtha din ir-ricetta tal-linguine? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!