Jekk fadallek spagetti mgħolli żejjed minn ta’ xi ikla oħra tista’ tużah biex tagħmel din il-froġa. Servuta ma’ insalata ta’ tadam ċirasa u ħaxix aħdar din il-froġa tagħmel platt sabiħ ħafna.
Ħin: 40 minuta
Isservi: 4 persuni
Ingredjenti:
- 250 g spagetti
- 4 bajdiet, imħabbtin ħafif
- 100 ml ħalib
- Basla kbira, imqattgħa rqiq
- 2 sinniet tewm, imqattgħin irqiq
- 2 imgħaref tursin frisk, imqatta’
- 100 g panċetta jew perżut tal-koxxa, imqatta’ dadi żgħar
- 150 g faqqiegħ (mushrooms), imqatta’ żgħir
- 100 g mozzarella, maħkuk oħxon
- 2 imgħaref butir
- Melħ u bżar mitħun frisk
Tħejjija:
- Saħħan il-forn għal temperatura ta’ 180°C. Idlek turtiera ta’23 ċm dijametru b’mgħarfa mill-butir.
- Għalli l-ispagetti f’borma kbira ilma bil-melħ sakemm isir al dente.
- Sadanittant, dewweb l-imgħarfa butir l-oħra f’taġen u qalli l-basla u t-tewm għal 4 minuti.
- Żid il-faqqiegħ u qalli sakemm jibda jirtab, imbagħad żid ukoll il-panċetta jew il-perżut u ħalli t-taħlita tixxotta ftit.
- Fi skutella kbira ħallat flimkien il-bajd u l-ħalib, il-mozzarella, it-tursin u t-taħlita tal-faqqiegħ.
- Saffi l-ispagetti u aqilbu fl-iskutella wkoll. Roxx bil-melħ u l-bżar u ħawwad kollox sew.
- Aqleb it-taħlita fit-turtiera ppreparata u aħmi għal 25-30 minuta, jew sakemm tara l- froġa tal-ispagetti għaqdet sew u bdiet tiħmar.
- Servi mqattgħa, ma’ insalata ta’ ħaxix aħdar u tadam ċirasa.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
Would you like to read this recipe in English? Let us know in the comments section below!