L-insalati tar-ross tista’ tgħaqqadhom kważi kważi b’dak li ssib fil-friġġ.

Ħin: 30 minuta, u ħin biex tberred

Isservi: 6 persuni

Ingredjenti:

• 400 g ross long grain
• 1 lt stokk tal-ħaxix jew tiġieġ
• 400 g tonn taż-żejt, imsaffi
• 200 g piżelli tal-friża, bil-friża mniżżla
• 3 tadamiet, imnaddfin u mqattgħin
• Bżru isfar ħelu (capiscum), imnaddaf i mqatta’ rqiq
• 3 basliet ħodor żgħar(spring onions), imqattgħin irqiq
• 50 g żebbuġ aħdar, mingħajr għadma u mqatta’
• Tursin frisk, imqatta’
• 3 mgħaref żejt taż-żebbuġa
• 3 mgħaref mayonnaise
• Meraq ta’ nofs lumija
• Melħ u bżar mitħun frisk

Tħejjija:

1. Għalli r-ross fl-istokk għal 15-il minuta, żid il-piżelli u kompli sajjar għal 5 minuti oħra sakemm jinxtorob il-likwidu kollu. Aqleb ir-ross u l-piżelli fi skutella kbira u ħallihom jibirdu.
2. Farrak it-tonn taż-żejt u żidu mar-ross. Żid ukoll il-bżar isfar, it-tadam, it-tursin, il-basal u ż-żebbuġ u ħallat kollox.
3. Żid il-mayonnaise, iż-żejt taż-żebbuġa u l-meraq tal-lumi, melħ u bżar u ħawwad sakemm jinkesa kollox.
4. Servi jew għatti l-iskutella bil-cling film u poġġiha fil-friġġ għal aktar tard.

Ippruvajtha din ir-ricetta ta' insalata tar-ross u tonn taż-żejt? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.