Fis-suq din il ġimgħa: Riċetta: Insalata tar-ross u ħxejjex fis-suq bil-pekorino

Insalata tar Ross u hxejjex fis suq bil Pekorino

Kull ġimgħa hawn fuq Littlerock tkunu tistgħu ssibu riċetti tiegħi b'ingredjenti friski u staġjonali li jinstabu fuq kull vann tal-ħaxix fl-irħula u fil-ħwienet iż-żgħar.

Għar-riċetta ta' din il-ġimgħa għandkom bżonn:

Ingredjenti:

  • 200 g ross (jiena hawnhekk nuża Rice Trio mħallat bir-ross salvaġġ biex inżidu l-fibra)
  • bżaru aħmar
  • bżaru aħdar
  • 100 g ġobon Pecorino lokali maħkuk
  • daqs 8 fuliet imqaxxra
  • basla
  • Qoxra ta' nofs larinġa maħkuka
  • 4 qarabagħli
  • 2 werqiet ħass imqatgħin irqaq ħafna
  • żejt taż-żebbuġa
  • dada tal-istokk naturali
  • ftit melħ u bżar
  • mgħarfa ħwawar friski (jien nuża tulbaghia mill-ġnien tagħna)

Insalata tar Ross u hxejjex fis suq bil Pekorino

Tħejjija:

  1. Jekk se tuża r-ross bħal tiegħi, jiena nħobb inxarrbu fl-ilma għal mal-lejl ħalli jirtab u hekk tnaqqas il-ħin tat-tisjir. Filgħodu laħlaħ ir-ross u sajru skont l-istruzzjonijiet ta' fuq il-pakkett imma żid miegħu dada ta' stokk naturali.
  2. Qatta' l-ħxejjex puliti u żommhom separati. Il-bżar qattgħu rqiq u ħallih nej. 
  3. Qalli l-basla fuq nar baxx sakemm issir naqra kkaramelizzata.
  4. Neħħi mit-taġen u qalli ħafif ħafna l-qarabagħli biex ikun għadu nej minn ġewwa.
  5. Ġo skutella kbira poġġi saff ross, imbagħad saff ħaxix imħallat, ftit Pecorino u naqra żgħira qoxra tal-larinġa maħkuka u ħwawar friski.
  6. Erġa' itfa' saff ieħor ross, ħxejjex, ġobon maħkuk u qoxra tal-larinġa, Pecorino u ħwawar friski.
  7. Poġġi fil-friġġ kif inhu għal siegħa. Żid mgħarfa żejt taż-żebbuġa, melħ u bżar u ħawwad ħafif qabel ma sservi, jiġifieri ħallih jogqħod sakemm tkun se sservi.

Għoġbitek din ir-riċetta? Għidilna billi tħalli l-kummenti tiegħek hawn taħt, u agħmel ir-rating tiegħek u share biex inkomplu nwasslulek aktar riċetti li jogħġbuk.