Read this in English: Recipe: Quick Cassata-style ice cream
Riċetta ta' malajr u tista' żżid dak li jogħġbok biss, jiġifieri jekk tippreferi tuża lewż ieħor mhux pistaċċi biddlu. Jekk tħobb iċ-ċikkulata bajda u mhux skura biddilha. Imma l-ingredjenti li għazilt jien jagħtu togħma tajba wisq u l-kuluri bellezza.
Ingredjenti:
- kikkra ċirasa kkulurita mqattgħa
- 6 mgħaref ilma tal-ward (rosewater)
- kilo ġelat tal-vanilja li jogħġbok lest
- kikkra ċikkulata skura mqattgħa biċċiet żgħar
- qoxra ta' larinġa maħkuka
- kikkra pistaċċi mqattgħin
- kikkra konfettura mqattgħa
Tħejjija:
- Ħallat iċ-ċirasa, l-ilma tal-ward, iċ-ċikkulata, il-qoxra tal-larinġa, il-pistaċċi u l-konfettura flimkien.
- Poġġi l-ġelat fi skutella kbira u ħalli barra għal 10 minuti sabiex ikun artab biżżejjed għall-ingredjenti li se jitħallatu billi tuża mgħarfa kbira.
- Żid l-ingredjenti kollha l-oħra u ħaddem malajr biex it-taħlita tiġi konsistenti. Erġa' poġġi t-taħlita ġo kontenitur tal-friża u ffriża għal lejl.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.
