Meta l-frawli jkun fl-aqwa tal-istaġun tiegħu jorħos sew fil-prezz u t-togħma tiegħu tkun verament ħelwa. Meta nixtruh bil-kwantità nindunaw li wara ftit jiem, għalkemm inżommuh fil-friġġ, il-frawli jibda jitħassar. Din ir-riċetta hija mod kif tista’ tuża l-frawli biex iżżommu għal tul ta’ żmien.
Ħin: 20 minuta; u ħin biex tiffriża
Iservi: 8 persuni
Ingredjenti:
- 450 g yoghurt naturali
- Bott ta’ 400 g ħalib magħqud (condensed milk)
- 250 ml ħalib
- Kuċċarina essenza tal-vanilla
- 450 g frawli, magħsur
- Frawli sħiħ u weraq tan-nagħniegħ, biex iżżejjen
Tħejjija:
- Ħabbat l-ingredjenti kollha flimkien fi skutella kbira.
- Ferra’ t-taħlita f’kontenitur u ffriża sakemm it-taħlita tkun kważi ffriżat kollha.
- Erġa’ ħabbat it-taħlita sewwa u poġġiha fil-friża sakemm tagħqad sew.
- Servi f’tazzi wisgħin u żejjen bil-frawli frisk u weraq tan-nagħniegħ.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
Would you like to read this recipe in English? Let us know in the comments section below!