Riċetta: Tiġieġ bl-għasel u l-lumi

Honey chicken thighs

Fl-istess ħin ti tkun qed issajjar din it-tiġieġa tista’ tuża l-istess ħin u spazju fil-forn biex tixwi xi ftit flieli tal-patata jew ħaxix u sservihom mat-tiġieġ.

Ħin: 50 minuta

Isservi: 4 persuni

Ingredjenti:

  • 4 isdra tat-tiġieġ, bil-ġilda; jew 8 koxox tat-tiġieġ, bil-ġilda
  • Meraq u qoxra maħkuka ta’ lumija
  • Mgħarfa għasel
  • Mgħarfa żejt taż-żebbuġa
  • 4 sinniet tewm, imqattgħin
  • Kuċċarina origanu mnixxef
  • Melħ u bżar mitħun frisk

 

Tħejjija:

  1. Saħħan il-forn għal temperatura ta’ 180°C.
  2. Poġġi l-biċċiet tat-tiġieġ ħdejn xulxin bil-ġilda ’l fuq ġo dixx.
  3. F’kazzola ħallat il-meraq u l-qoxra tal-lumija, l-għasel, iż-żejt taż-żebbuġa, it-tewm, l-origanu, melħ u bżar. Saħħan it-taħlita fuq nar moderat u ferragħha fuq it-tiġieġ fid-dixx.
  4. Aħmi għal 30-40 minuta u kultant xarrab it-tiġieġ bil-meraq stess.

Ippruvajtha din ir-ricetta ta' tiġieġ bl-għasel u l-lumi? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.