Kważi kulħadd jiġġennen għall-koxox tat-tiġieġ u jieħu pjacir mhux biss bil-laħam tari imma wkoll li joqgħod imeximxu minn mal-għadma. Flok ma ssajjar tiġieġa sħiħa u toqgħod tħabbel moħħok kif se tikkuntenta l-familja kollha, ipprova din ir-riċetta għal koxox tat-tiġieġ biz-zalza tat-tadam.
Preparazzjoni: 15-il minuta
Ħin totali: 40 minuta
Isservi: 4 persuni
Ingredjenti:
- 900g tadam mqatta'
- Mgħarfa żejt Lesieur
- 4 koxox tat-tiġieg sħaħ (madwar 700g). Tista' tuża pakkett chicken legs ta' Green Valley, mill-ħwienet ewlenin.
- Melħ oħxon u bżar iswed mitħun
- Kikkra basal mqatta' strixxi rqaq
- 3 sinniet tewm maħkuk
- 3 biċċiet origanu
Tħejjija:
- Saħħan il-forn għal 200 C. Saħħan dixx vojt fil-forn.
- Ħawwar it-tiġieġ bil-bżar u l-melħ u aqli ġo taġen kbir, bil-ġilda tħares 'l isfel, fuq nar medju-għoli għal madwar 7 minuti jew sakem il-koxox jismaru u jiġu jqarmċu. Eqleb il-koxox u sajjar għal minuta oħra.
- Warrab it-tiġieg u neħħi x-xaħam minn ġot-taġen. Żomm biss daqs mgħarfa.
- Baxxi n-nar għal medju u sajjar il-basla sakemm tirtab, għal madwar 5 minuti.
- Żid it-tewm u sajjar għal madwar minuta, imbgħad żid it-tadam, bżar u melħ.
- Meta jgħali, poġġi t-taħlita fid-dixx tal-forn. Żid it-tiġieġ bil-ġilda tħares 'il fuq u żid l-origanu.
- Poġġi fil-forn u sajjar għal madwar 25-30 minuta jew sakemm it-tiġieg ikun sar sew.
