Xarba tal-ħjar u l-ananas: xarba sajfija u oriġinali bit-taħlita tal-ananas (pineapple) u ħjar, li flimkien jipproduċu kulur vibranti u togħma friska.

Ħin: 20 minuta

Isservi: 4-6 persuni

Ingredjenti:

• Ananas (pineapple) kbira
• 2 ħjariet żgħar jew waħda kbira
• 50 g zokkor fin (caster sugar)
• Litru ilma karbonizzat (sparkling water)
• Meraq ta’ lumija
• Silġ, biex isservi

Tħejjija:

1. Aqta’ 4 roti mill-ħjara u qatta’ l-kumplament f’dadi. Qaxxar u qatta’ l-ananas f’dadi wkoll. Ħallathom u żid iz-zokkor u 250 ml ilma karbonizzat. Itħanhom bi blender, għaddi t-taħlita minn passatur u armi li jibqa’ fil-passatur. Iġbor ir-ragħwa tal-wiċċ u kessaħ f’buqar fil-friġġ.
2. Biex isservi: żid il-meraq tal-lumi mat-taħlita u ħawwad. Poġġi ftit silġ f’kull tazza; imla ¾ minnha bit-taħlita u kompli imla bl-ilma karbonizzat. Żejjen it-tazzi bir-roti tal-ħjar.

Ippruvajtha din ir-riċetta ta' xarba tal-ħjar u l-ananas?  Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.

Would you like to read this recipe in English? Let us know in the comments section below!