Xarba friska sajfija li tista’ tipprepara fi ftit minuti biss, u tkun qed tuża l-bettiegħ meta ssibu b’abbundanza fl-istaġun tiegħu.

Ħin: 15-il minuta, u ħin biex tkessaħ

Kwantità: madwar 2 litri

Ingredjenti:

• 2 bettigħat cantaloupe, imqaxxrin, imnaddfin u mqattgħin dadi
• 750 ml ilma
• Meraq ta’ nofs limija
• Zokkor, jew sostitut taz-zokkor
• Silġ, biex isservi
• Flieli rqaq tal-bettiegħ, biex isservi
• Weraq tan-nagħniegħ frisk, biex iżżejjen

Tħejjija:

1. Itħan il-bettiegħ bi blender u għaddih minn passatur.
2. Poġġi l-bettiegħ magħsur f’buqar kbir u żid il-meraq tal-lumi, l-ilma u kemm tiggosta zokkor jew sostitut tiegħu, u ħallat kollox sew. Poġġi l-buqar fil-friġġ sakemm jiksaħ.
3. Poġġi ftit silġ fit-tazzi u ferra’ x-xarba fuqhom. Servi t-tazzi mżejnin bil-weraq tan-nagħniegħ u flieli rqaq tal-bettiegħ.

Ippruvajtha din ir-ricetta ta' xarba friska tal-bettiegħ cantaloupe? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.