Fi ljieli kesħin m’hawn xejn aħjar milli toqgħod ġewwa għas-sħana u tipprepara xi xarba sħuna u tajba. Din hija riċetta taċ-ċikkulata tradizzjonali li tista’ tvarjaha billi żżid ukoll xi liqueur jew qxur maħkuk irqiq tal-larinġ jew mandolin mat-taħlita.
Ħin: 10 minuti
Isservi: 4 persuni
Ingredjenti:
- 4 kikkri ħalib
- 4 kuċċarini zokkor
- ½ kuċċarina essenza tal-vanilla
- Niskata melħ
- 225 g ċikkulata skura, imkissra biċċiet żgħar
- Kikkra krema doppja, jew whipping cream
- Trab tal-kannella (cinnamon), biex iżżejjen
Tħejjija:
- Ħabbat il-krema sakemm titla’ u żżomm il-forma.
- Saħħan il-ħalib f’kazzola fuq nar baxx mingħajr ma tgħallih.
- Żid l-essenza tal-vanilla, iz-zokkor, il-melħ u ċ-ċikkulata u ħabbat kontinwament sakemm tinħall iċ-ċikkulata.
- Kompli ħawwad mingħajr ma tgħalli t-taħlita għal 3 minuti oħra.
- Aqsam it-taħlita bejn erba’ tazzi jew mugs u poġġi mgħarfa krema fil-wiċċ ta’ kull waħda.
- Roxx bit-trab tal-kannella u servi fil-pront.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
