Riċetta veġetarjana: Bruschetta bit-tadam u avokado

Bruschetta with tomato, avocado and herbs

Bħala ikla ħafifa jew biex isservi ma’ xi xarba din il-bruschetta mħawra b’ingredjenti sajfin hija ideali.

Ħin: 20 minuta

Isservi: 4 persuni

Ingredjenti:

  • 8 biċċiet ħoxnin ħobż bil-qoxra
  • Sinna tewm
  • Basla żgħira ħamra, imqattgħa rqiq
  • 2 tadamiet kbar, imnaddfin u mqattgħin dadi żgħar
  • Avokado, imqatta’ dadi żgħar
  • Mgħarfa ħall balsamiku
  • 2 mgħaref żejt taż-żebbuġa
  • 2 mgħaref ħabaq, imqatta’
  • Melħ u bżar mitħun frisk

Tħejjija:

  1. Saħħan grilja u ixwi l-ħobż sakem jieħu lewn dehbi fuq iż-żewġ naħat tiegħu. Idlek iż-żewġ uċuħ ta’ kull biċċa ħobż bis-sinna tewm.
  2. Poġġi t-tadam, l-avokado, il-basla, il-ħabaq, il-ħall balsamiku, iż-żejt taż-żebbuġa, u melħ u bżar fi skutella u ħallathom.
  3. Qassam it-taħlita fuq il-ħobż u servi fil-pront.

Ippruvajtha din ir-ricetta ta' bruschetta bit-tadam u avokado? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.