Ingredjenti:
- Spnotta għal kull persuna (tistgħu tneħħu l-irjus u d-dnub, u tagħmluhom aljotta darb'oħra)
- Ftit tewm imqatta'
- Tursin imqatta'
- Melħ oħxon u bżar
- 2 imgħaref żejt taż-żebbuġa
Tħejjija:
- Għidu lil tal-ħut biex inaddfilkom l-ispnott.
- Iftħu biċċa fidda (aluminium foil) għal kull ħuta.
- Iftħu l-ħuta minn żaqqha fejn tkun imnaddfa.
- Itfgħu t-tewm, it-tursin, il-melħ u l-bżar u ftit żejt.
- Agħlqu l-ħuta sew fil-fidda.
- Aħmu għal madwar 20 minuta fuq 180 °c.
- Servi ftit biċċiet tal-lumi bil-patata l-forn.
