Il-gazpacho hija soppa magħmula minn ħxejjex nejjin u servuta kiesħa, għalhekk hija ideali għas-sajf. Il-gazpacho oriġinat min-Nofsinhar ta’ Spanja u, għalkemm oriġinarjament il-bażi tagħha kien it-tadam, insibu ħafna verżjonijiet differenti ta’ riċetti bi ħxejjex nejjin differenti.
Ħin: 20 minuta
Isservi: 4 persuni
Ingredjenti:
- 2 ħjariet
- 2 bżariet sofor ħelwin (capiscum)
- 2 sinniet tewm, misħuqiq
- 2 avokados
- Ponn nagħniegħ frisk
- 400 ml yoghurt naturali
- 4 mgħaref ħall tal-inbid abjad
- Ftit qtar Tabasco
- Kurrat selvaġġ (chives) biex isservi (jekk trid)
Tħejjija:
- Aqsam il-ħjar mit-tul, neħħilu ż-żerriegħa u qattgħu. Aqsam il-bżar isfar, neħħielu ż-żerriegħa u qattgħu. Qaxxar u aqla’ l-għadma tal-avokados u qattagħhom ukoll.
- Fi proċessur tal-ikel jew blender poġġi l-ħjar, il-bżar isfar u l-avokado, 300 ml mill-yoghurt u nofs in-nagħniegħ, it-tewm, il-ħall u t-Tabasco. Itħan kollox u poġġi t-taħlita fil-friġġ sakemm tiksaħ sew.
- Servi s-soppa kiesħa u żejjen il-wiċċ bil-yoghurt, kurrat selvaġġ imqatta’ u weraq tan-nagħniegħ.
