Riċetta veġetarjana: Soppa tal-ħaxix bit-tortellini

Vegetarian soup with tortellini, Riċetta veġetarjan: Soppa tal-ħaxix bit-tortellini

Minflok tortellini biz-zalza din id-darba se nagħmlu tortellini fis-soppa, li jfisser inqas tortellini u aktar ħaxix. 

Ħin: 35 minuta

Isservi: 4 persuni

Ingredjenti:

  • Mgħarfa żejt taż-żebbuġa
  • Kurrata (leek), il-parti l-bajda biss, imqattgħa
  • 2 izkuk tal-karfus, imqattgħin
  • 3 sinniet tewm, imqattgħin irqiq
  • 400 ml stokk tal-ħaxix
  • 700 ml ilma
  • Karrotta kbira, imqattgħa roti
  • Qarabagħlija kbira mit-twil, maqsuma mit-tul u mqattgħa għall-wisa’
  • 150 g piżelli, friska jew tal-friża; jew fażola twila, maqsuma
  • 2 mgħaref tursin frisk, imqatta’
  • 250 g tortellini
  • Melħ u bżar mitħun frisk
  • 150 g ġobon Parmiġġan, maħkuk oħxon

Tħejjija:

  1. Saħħan iż-żejt f’kazzola kbira fuq nar moderat.
  2. Żid il-kurrat u l-karfus u qalli għal 3 minuti.
  3. Roxx bil-melħ u l-bżar, żid it-tewm u qalli għal minuta oħra.
  4. Żid l-istokk, l-ilma, il-karrotta il-qarabagħla, il-piżelli u mgħarfa mit-tursin.
  5. Meta s-soppa tiftaħ tagħli baxxi n-nar u ħalliha ttektek għal 15-il minuta.
  6. Żid it-tortellini u meta s-soppa terġa’ tiftaħ tagħli sajjar għal 7 minuti jew sakemm isiru t-tortellini.
  7. Roxx bil-bżar mitħun frisk u ħawwad. Servi bil-ġobon Parmiġġan u t-tursin fil-wiċċ.

Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.

Would you like to read this recipe in English? Let us know in the comments section below!