Riċetta: Penne bis-salami

Penne bis-salami

Platt għaġin f’20 minuta biss għal min iħobb is-salami!

Ħin: 20 minuta

Isservi: 4 persuni

Ingredjenti:

  • 400 g għaġin penne
  • Mgħarfa żejt taż-żebbuġa
  • 200 g salami, imqatta’ strixxi rqaq
  • 200 g tadam ċirasa isfar jew aħmar, maqsum min-nofs
  • Basla, imqattgħa rqiq
  • 2 sinniet tewm, imqattgħin irqiq
  • 100 g ġobon scamorza, maħkuk
  • 2 mgħaref tursin frisk, imqatta’
  • Melħ u bżar mitħun frisk

 

Tħejjija:

  1. Għalli l-għaġin f’borma kbira ilma bil-melħ sakemm isir al dente.
  2. Sadanittant, saħħan taġen kbir fuq nar moderat u ixwi s-salami sakemm jiħmar. Poġġih fuq platt miksi bil-karti tal-kċina biex joqtor.
  3. Imsaħ it-taġen u saħħan iż-żejt. Qalli l-basla u t-tewm sakemm jirtabu sew, imbagħad żid it-tadam, ħawwad għal 2 minuti biex jinkesa u jisħon.
  4. Saffi l-għaġin u żidu fit-taġen. Żid ukoll il-ġobon scamorza, it-tursin u s-salami, melħ u bżar. Ħawwad kollox sew u servi fil-pront.

Ippruvajtha din ir-riċetta ta' penne bis-salami? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.

Would you like to read this recipe in English? Let us know in the comments section below!