Riċetta: Paella ta’ malajr bit-tiġieġ u l-gambli

Spanish paella mix

Il-paella hija platt tradizzjonali Spanjol magħmul bir-ross u ingredjenti oħrajn varji, bħal-laħam, il-fażola u l-ħut. Il-paella mħallta, dik l-aktar magħrufa, tikkonsisti minn ross bit-tiġieġ u l-frott tal-baħar. F'din ir-riċetta, biex tagħmel paella mħallta ta' malajr, jintużaw il-pakketti tar-ross imħawrin bil-lest biex tnaqqas il-ħin. Ippruvaha u għidilna x'jidhirlek.

Preparazzjoni: 5 minuti

Tisjir: 25 minuta

Isservi: 4

Ingredjenti:

  • 2 pakketti tadam imqadded (Tilda Sundried Tomato)
  • 3 koxox tat-tiġieġ, imqattgħa kwadri
  • Żejt taż-żebbuġa
  • Basla mqattgħa 
  • 2.5 ml (nofs kuċċarina) paprika smoked 
  • 250 ml stokk tat-tiġieġ
  • 2 biċċiet klin (rosemary)
  • 100 g gambli
  • 100 g piżelli tal-friża
  • Lumija għat-tiżjin

Tħejjija:

  1. Ibda billi taqli t-tiġieġ fiż-żejt mal-basla u l-paprika.
  2. Meta t-tiġieġa tismar, ferragħ l-istokk tat-tiġieġ u żid il-klin.
  3. Żid ir-ross, il-gambli u l-piżelli u ħallihom ibaqbqu għal ftit minuti.
  4. Xħin l-ilma jinxtorob u r-ross jinkesa sew biz-zalza, tista' sservi ma' biċċa lumija.

Għoġbitek din ir-riċetta? X'deherlek mill-użu tal-pakketti tar-ross imħawrin bil-lest għal din ir-riċetta? Għidilna x'taħseb billi tikkummenta hawn taħt, u jekk jogħġbok ħalli r-rating tiegħek u agħfas share biex inkomplu nwasslulek aktar riċetti li jogħġbuk.