Read this in English: Recipe: Polenta and parmesan bread
Ħobż ideali biex isservih ma xi peperonata jew ratatouille, jew tixwih u tagħmlu bruschetta anke waqt xi BBQ.
Ħin: siegħa
Isservi: 8 persuni
Ingredjenti:
- 250 g dqiq, mgħarbul
- 250 g polenta
- 50 g ġobon Parmiġġan, maħkuk
- ½ kuċċarina zokkor
- ½ kuċċarina melħ
- 4 kuċċarina trab tal-ħami (baking powder)
- 400 ml ħalib
- Bajda
- 2 mgħaref żejt taż-żebbuġa
Tħejjija:
- Saħħan il-forn għal temperatura ta’ 200°C. Idlek 2 laned tal-ħobż bi ftit żejt.
- Fi skutella ħawwad flimkien id-dqiq, il-polenta, it-trab tal-ħami, iż-żokkor, il-melħ u l-ġobon Parmiġġan. Fi skutella żgħira ħabbat flimkien il-ħalib, il-bajda u ż-żejt taż-żebbuġa. Ferra’ t-taħlita likwida fit-taħlita tal-polenta u ħabbathom flimkien sakemm ikollok taħlita lixxa.
- Ferra’ t-taħlita fil-laned ippreparati, poġġihom fuq tilar u daħħalhom fil-forn għal 20-25 minuta jew sakemm il-ħobż jogħla sew u jiħmar.
- Ħalli l-ħobż jibred fil-landa għal ftit minuti, imbagħad aqilgħu u ħallih jibred sew fuq gradilja.
Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
