X’hemm aħjar meta waqt xi pawsa għall-kafè jkollok ukoll xi gallettina tajba? U dawn taħmihom f’tebqa t’għajn!
Ħin: 30 minuta
Kwantità: 24
Ingredjenti:
- 125 g dqiq
- ½ kuċċarina bicarbonat tas-sodju (bicarbonate of soda)
- 100 g ħafur (oats)
- 100 g zokkor ismar
- 125 g butir, imdewweb
- 200 g berquq niexef, imqatta’
- 125 g chocolate chips bojod, jew ċikkulata bajda mfarrka
- Bajda, imħabbta ħafif
Tħejjija:
- Saħħan il-forn għal temperatura ta’ 180°C. Iksi 2 tilari bil-kartaforn.
- Fi skutella kbira għarbel id-dqiq u l-bikarbonat tas-sodju. Żid magħhom iz-zokkor, il-ħafur, il-berquq u ċ-ċikkulata, u ħallat kollox sew. Żid il-bajda u l-butir imdewweb u ħawwad sakemm jitħallat kollox.
- Irrombla daqs mimli mgħarfa mit-taħlita u ċċattjaha fuq it-tilar. Kompli b’dan il-mod sakemm tuża t-taħlita kollha. Biegħed b’madwar 5 ċm minn xulxin.
- Aħmi għal 10-15 minuta jew sakemm tara li l-gallettini ħadu l-kulur u saru. Ħallihom jibirdu fuq it-tilari stess.
Ippruvajtha din ir-ricetta tal-gallettini bil-berquq u ċikkulata bajda? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.
Would you like to read this recipe in English? Let us know in the comments section below!
