Riċetta: Flett tal-majjal b’zalza tat-tut u nagħniegħ

Pork-fillet-and-black-mulberries

Żmien it-tut qiegħed magħna. Meta jkun staġun tajjeb is-siġar tat-tut ikunu miżgħudin bil-frott qisu ħaġar prezzjuż imdendel mal-friegħi li jgħidlek, "iġborni".

Ħin: 40 minuta

Isservi: 4 persuni

Ingredjenti:

  • 800 g flett tal-majjal
  • 350 g tut
  • 200 ml inbid aħmar
  • 2 mgħaref għasel
  • Qoxra maħkuka ta’ nofs larinġa
  • meraq ta’ nofs larinġa
  • 2 mgħaref żejt veġetali
  • 2 mgħaref nagħniegħ, imqatta’
  • Melħ u bżar mitħun frisk

 

 Tħejija:

  1. Saħħan il-forn għal temperatura ta’ 200°C.
  2. Roxx il-flett tal-majjal bil-melħ u l-bżar. Saħħan iż-żejt f’taġen kbir fuq nar moderat u xawtu mid-dawra kollha. Poġġih f’dixx u ixwih għal madwar 20 minuta jew sakemm isir sewwa minn ġewwa.
  3. Sadanittant ipprepara z-zalza. F’kazzola ħallat it-tut, l-inbid, l-għasel, il-meraq u qoxra tal-larinġ. Poġġi l-kazzola fuq nar baxx għal moderat u tektek għal madwar 10 minuti sakemm tara li t-tut beda jinfaqa’.
  4. Poġġi t-taħlita tat-tut fi blender , żid il-weraq tan-nagħniegħ u itħanhom sew. Għaddi t-taħlita minn passatur u armi ż-żerriegħa.
  5. Qatta’ l-flett tal-majjal fi ċrieki, ferra’ fuqu z-zalza tat-tut u servi ma’ ħaxix mgħolli mħallat jew insalata.

Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.

Would you like to read this recipe in English? Let us know in the comments section below!