Read in English: Recipe: Mushroom and Bordon patties

Riċetta ta' Laura Cachia.

Ingredjenti: 

• Faqqiegħ Portobello
• Basal
• Karrotti
• Bordon Corned Beef Light
• Cheddar
• Turmeric
• Hot paprika (optional)
• Olive oil
• Tursin
• Tadam/polpa
• Patata
• Marġerina/butir
• Tewm
• Spring onion
• Worcestershire sauce
• Ħalib
• Bajd
• Mustarda friska/powder
• Breadcrumbs u balsamic glaze għat-tiżjin

 Tħejjija: 

1. Qaxxar il-patata, qatta’ f’kaxex żgħar u għalliha għal xi 20 minuta sakemm issir ratba ħafna.
2. Sakemm issir il-patata, naddaf il-faqqiegħ billi taqla’ z-zokk u l-gills. Tarmi xejn.
3. Qaxxar basla, karrottu, tewma u qatta’ kollox żgħir. Aqli t-taħlita u żid ftit polpa jew tadama żgħira. Mat-taħlita, żid Bordon Light Corned Beef. Żid il-melħ (ftit) u bżar.
4. Imsaħ il-faqqiegħ portobello biż-żejt taż-żebbuġa min-naħa ta’ barra.
5. Meta t-taħlita tiksaħ sew, imla l-faqqiegħ biha, żid ftit oregano, tursin u ttopja bil-ġobon cheddar. Importanti li l-faqqiegħ tpoġġih fil-foil għal 20 minuta fil-forn 200 ̊C u wara, kif tara li sar kollox, kompli billi tiggrillja għal 10 minuti sakemm jiħmar sew il-ġobon.
    
6. Sakemm isir il-faqqiegħ, lesti l-patata maxx. Qattar sew mill-ilma l-patata mgħollija. Żid ftit marġerina jew butir u għaffeġ sew.
7. Sakemm tiksaħ, ilħaq aqli basla u karrottu. Tajjeb li żżid ftit turmeric u jekk tixtieq ftit paprika wkoll. Jekk il-mustarda hi powder, għandek iżżidha mat-toqlija. Ħalliha tiksaħ.
   
8. Ħabbat żewġ bajdiet u żidha mal-patata. Żid ukoll Bordon Light Corned Beef, kuċċarina worcestershire sauce u l-mustarda friska.
9. Għaffeġ kollox. Jekk tara li t-taħlita hi magħquda ħafna, tista’ żżid ftit ħalib.
10. Żid it-toqlija mal-kumplament tat-taħlita u itfa’ wkoll it-tursin, kif ukoll, il-gills tal-faqqiegħ.
11. Żid il-breadcrumbs u fforma pulpetti tad-daqs li tixtieq.
12. Ħalli l-pulpetti jistrieħu fil-friġġ għal riżultat aħjar.
13. Lesti taġen bi ftit żejt. Importanti li jkun jaħraq sew.
14. Żejjen il-palat bi ftit insalata u naqra balsamic glaze.

Ippruvajtha din ir-riċetta ta' faqqiegħ u pulpetti Bordon? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.