Crunchy bars Photo: Flickr/ Roz Kellner
Read in English: Recipe: Home-made crunchies
Kemm-il darba nixtru xi biċċa ċikkulata u nimmaġinaw minn liema proċess twil għaddiet biex saret?! Dawn il-crunchies, li huma favoriti ta’ ħafna, ilna nsibuhom fis-suq għal snin twal. Illum se naraw kemm huma faċli biex tagħmilhom id-dar int ukoll b’erba’ ingredjenti biss.
Ħin: siegħa
Kwantità: 12
Ingredjenti:
- 200 g ċikkulata tal-ħalib
- 175 g zokkor
- 125 g golden syrup
- 1 ½ kuċċarina bicarbonat tas-sodju (bicarbonate of soda)
Tħejjija:
- Idlek tilar ta’ 20 ċm bil-butir.
- Poġġi z-zokkor u l-golden syrup f’kazzola ma’ 2 mgħaref ilma u saħħan fuq nar baxx sakemm jinħall iz-zokkor mingħajr ma tagħli t-taħlita, imbagħad ħalliha ttektek sakemm tieħu kulur dehbi. Itfi n-nar, żid malajr il-bikarbonat u ħawwad tajjeb sakemm it-taħlita tibda ttella’ r-ragħwa. Ferra’ t-taħlita b’attenzjoni fit-tilar ippreparat.
- Kif tibda’ tagħqad imma qabel tagħqad kompletament, b’sikkina midluka bi ftit żejt, agħmel sinjali dritti ħalli ssibha aktar faċli biex taqsamha.
- Sadanittant dewweb iċ-ċikkulata banjumarija u ħalliha tibred. Kisser il-crunchie f’porzjonijiet u bill kull waħda fiċ-ċikkulata mdewba sakemm tinkesa. Ħalli l-biċċiet joqtru miċ-ċikkulata żejda fuq gradilja bi platt taħtha, imbagħad poġġihom fuq dixx miksi bil-kartaforn u kompli kessaħhom fil-friġġ biex jagħqdu sew.
