Riċetta: Cookies tal-lumi

Lemon cookies

Dawn il-cookies b’kulur u togħma friska ta’ lumi huma attraenti u tajbin – iqarmċu minn barra filwaqt li rotob minn ġewwa. Adattati wkoll biex isservihom bħala akkumpanjament mal-ġelat tal-frott.

Ħin: 45 minuta

Kwantità: 25-30

Ingredjenti:

  • 250 g dqiq
  • 2 kuċċarini trab tal-ħami (baking powder)
  • ½ kuċċarina melħ
  • 150 g butir, temperatura tal-kamra
  • 225 g zokkor
  • Mgħarfa qxur tal-lumi maħkuk
  • 2 mgħaref meraq tal-lumi
  • ½ kuċċarina essenza tal-vanilla
  • Bajda
  • Isfar ta’ bajda
  • Ftit qtar kulur isfar
  • 60 g dqiq tal-ġelu (icing sugar)

 

Tħejjija:

  1. Saħħan il-forn għal temperatura ta’ 180°C. Iksi tilar/i bil-kartaforn.
  2. Fi skutella għarbel flimkien id-dqiq, it-trab tal-ħami u l-melħ. Fi skutella oħra ħabbat flimkien b’ħabbata tal-elettriku l-butir u z-zokkor sakemm ikollok taħlita ċara u ħafifa. Żid il-bajda u l-isfar tal-bajda u kompli ħabbat, imbagħad żid u ħabbat ukoll il-meraq u qoxra tal-lumi, l-essenza tal-vanilla u l-kulur isfar. Żid ftit ftit l-ingredjenti xotti fit-taħlita likwida.
  3. Għarbel iz-zokkor tal-ġelu fi platt fond. Mill-għaġina aqbad biċċiet ta’ madwar 25 g kull waħda, gerbeb kull biċċa f’ballun, u dawwarhom fiz-zokkor sakemm jinksew. Poġġi l-blalaen fuq it-tilar ippreparat bi spazju ta’ 4 ċm bejniethom.
  4. Aħmi għal 12-15-il minuta u ħalli l-cookies jibirdu sew fit-tilar stess, imbagħad poġġihom fuq gradilja biex jiksħu kompletament qabel tpoġġihom f’reċipjent li jingħalaq sew.

Ippruvajtha din ir-riċetta ta' cookies tal-lumi ? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jogħġbuk.

Would you like to read this recipe in English? Let us know in the comments section below!