Din hija riċetta ħafifa u ideali biex isservi bħala ikla ħafifa ma’ insalata jew fuq ħobż mixwi.
Ħin: 30 minuta
Isservi: 4 persuni
Ingredjenti:
- 3-4 qarabagħliet kbar, imqattgħin roti ħoxnin
- 3 mgħaref żejt taż-żebbuġa
- 150 g ġobon feta
- 150 g ġobon artab
- mgħarfa origanu frisk, imqatta’
- Sweet chilli sauce, biex isservi
Tħejjija:
- Saħħan il-grill u iksi tilar bil-foil.
- Idlek ir-roti tal-qarabagħli miż-żewġ naħat biż-żejt u roxx bil-melħ u l-bżar. Poġġihom ħdejn xulxin fuq it-tilar ippreparat u daħħalhon taħt il-grill għal 5 minuti sakemm jibdew jirtabu. Dawwar ir-roti tal-qarabagħli fuq il-wiċċ l-ieħor u erġa’ daħħalhom taħt il-grill għal 3-4 minuti oħra.
- Sadanittant ħallat flimkien il-ġobon artab, il-ġobon feta u l-origanu fi skutella. Idlek il-wiċċ tal-qarabagħli b’din it-taħlita u daħħalhom taħt il-grill sakemm jiħmaru.
- Servi l-qarabagħli bi ftit sweet chilli sauce fil-wiċċ.
Ippruvajtha din ir-ricetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.
