Riċetta: Fjuri tal-qarabagħli mimlijin bir-ross

Stuffed-zucchini-flowers

Għalkemm ma ssibx tixtrihom faċilment, il-fjuri tal-qarabagħli tista takkwistahom jekk taf lil xi bidwi jew lil xi ħadd li jkabbarhom. Il-fjuri mqabbdin mal-qarabagħli li nixtru normalment ikunu magħluqin, allura mhux adattati għal din ir-riċetta. Jekk għandek il-qarabagħli fil-ġnien tiegħek, l-aħjar ħin li tiġbor il-fjuri huwa filghodu meta jkunu għadhom miftuħin.

Ħin: siegħa

Isservi: 4 persuni

Ingredjenti:

  • 200 g ross
  • 16-20 fjura tal-qarabagħli, bil-partijiet ta’ ġewwa mneħħijin
  • 2 imgħaref tursin frisk, imqatta’
  • Mgħarfa ħabaq, imqatta’
  • 2 sinniet tewm, misħuqin
  • 100 g ġobon Parmiġġan, maħkuk
  • 150 g mozzarella, maħkuka
  • 2 bajdiet, imħabbtin ħafif
  • Bżar mitħun frisk
  • Żejt taż-żebbuġa, biex tidlek

Tħejjija:

  1. Saħħan il-forn għal temperatura ta’ 180°C. Idlek dixx tal-forn bi ftit żejt taż-żebbuġa.
  2. Għalli r-ross, saffih sew, poġġih fi skutella u ħallih jibred ftit.
  3. Żid il-ġobon Parmiġġan, il-mozzarella, it-tursin, il-ħabaq, it-tewm, il-bajd, u bżar, u ħallat kollox sew.
  4. B’mgħarfa imla l-fjuri b’din it-taħlita u iġbor il-petali flimkien.
  5. Poġġi l-fjuri mimlijin ħdejn xulxin fid-dixx u idlikhom bi ftit żejt taż-żebbuġa.
  6. Aħmihom għal 20 minuta, imbagħad dawwarhom u kompli aħmihom għal 10-15-il minuta oħra.

Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.

Would you like to read this recipe in English? Let us know in the comments section below.