Meta jkollna taħlita ta’ ħaxix fil-friġġ li nixtiequ nużaw kemm jista’ jkun malajr, il-frittata hija l-aħjar soluzzjoni.

Ħin: siegħa

Isservi: 4 persuni

Ingredjenti:

• 350 g patata, imqattgħa dadi
• Brunġiela żgħira, imqattgħa dadi
• 2 qarabagħliet twal, imqattgħin roti
• Bżaru aħmar ħelu (capiscum) imqatta’
• 2 mgħaref żejt taż-żebbuġa
• 4 bajdiet
• 50 g ġobon Parmiġġan maħkuk
• 250 ml krema doppja
• Kuċċarina origanu mnixxef
• Melħ u bżar mitħun frisk

Tħejjija:

1. Saħħan il-forn għal temperatura ta’ 200°C. Iksi tilar bil-kartaforn.
2. Poġġi l-patata, il-brunġiel, il-qarabagħli u l-bżaru aħmar fi skutella, roxx fuqhom iż-żejt taż-żebbuġa u ifrex il-ħaxix fuq it-tilar. Ixwi fil-forn għal 30 minuta jew sakemm jibdew jirtabu.
3. Oħroġ it-tilar mill-forn u baxxi t-temperatura għal 180°C.
4. Fi skutella ħabbat flimkien il-bajd, il-krema, il-ġobon Parmiġġan, l-origanu, melħ u bżar.
5. Poġġi l-ħaxix f’turtiera ta’ 26 ċm u ferrex it-taħlita tal-bajd fuqu. Aħmi għal 25-30 minuta jew sakemm il-frittata tagħqad.
6. Servi sħuna jew kiesħa ma’ insalata ħadra.

Ippruvajtha din ir-ricetta ta' frittata bil-ħaxix? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar ricetti li jgħoġbuk.