Riċetta: Torta tal-basal u ġobon tat-tursina (blue cheese)

Blue cheese and onion tart- Torta tal-basal u ġobon tat-tursina

Read this in English: Recipe: Onion and blue cheese tart

Min iħobb it-togħmiet tal-ġobon ftit qawwija din it-torta żgur li se togħġbu; għal min le, jista’ jibdel il-ġobon għal wieħed inqas qawwi, anke mozzarella.

Ħin: siegħa u 10 minuti

Isservi: 6-8 persuni

Ingredjenti:

  • 300 g għaġina tat-torti (short crust)
  • 2 imgħaref żejt taż-żebbuġa
  • 2 basliet kbar, imqattgħin flieli rqaq
  • 2 bajdiet
  • 200 g irkotta
  • 150 g ġobon tat-tursina
  • 150 ml krema doppja
  • Kuċċarina origanu mnixxef
  • Melħ u bżar mitħun frisk

Tħejjija:

  1. Saħħan il-forn għal temperatura ta’ 180°C.
  2. Idlek turtiera ta’ 23 ċm biż-żejt u roxxha bid-dqiq.
  3. Iftaħ l-għaġina u iksi t-turtiera. Taqqab ftit il-qiegħ tal-għaġina b’furketta u poġġiha fil-friġġ għal aktar tard.
  4. Saħħan iż-żejt f’taġen fuq nar moderat u qalli l-basal sakemm isir sewwa, jirtab u jibda jieħu l-kulur.
  5. Fi skutella ħabbat il-bajd mal-krema u żid l-irkotta u l-ġobon tat-tursina, melħ u bżar. Għaffeġ u ħallat kollox sew flimkien.
  6. Ifrex il-basal fuq l-għaġina fit-turtiera, imbagħad ifrex ukoll it-taħlita tal-irkotta. Illixxa l-wiċċ u roxx bl-origanu.
  7. Servi ma’ insalata friska.

Ippruvajtha din ir-riċetta? Għoġbitek? Ħalli l-kummenti u r-rating tiegħek hawn taħt u agħfas share biex inkomplu nwasslulek aktar riċetti li jgħoġbuk.